Paglayo

Pakiramdam ay tila nauupos na kandila
Tuwing nakikita kang masaya kasama siya
Pilit na pagpigil sa bugso ng damdamin
Hatid ay kakaibang kirot sa diddib.
Puso ay maligaya kapag ikaw ay masaya
Siyang tunay at walang duda
Subalit hindi maikakaila na sa likod ng mga tawa
Ay ang pagnanasang sana ako ay siya
Ako ay maging siya na nagdudulot ng matatamis na ngiti mula sa iyong mga labi
Ang nagbibigay ng mainit sa yakap sa iyong malalamig na gabi
Ang lagi mong hanap sa bawat sandali
Ang nais na kaututang dila palagi
Madalas ay gusto ko ng lumayo
Ngunit hindi ko kayang mawalay sayo
Nakakapagod ang paulit-uli na masaktan
Ngunit tila hinahanaphanap na ito ng aking katawan
Paano nga ba lumimot sa pagibig na ipinagdamot?
Diyos ko! Bakit ba ganito?
Napakalaki kong gago!
Saan ba patungo ang katangahang ito?
Saan ba hahantong ang ganitong tagpo?
Kailan ba matatanggap na hindi para sa akin ang bagay na ito?
Bakit ba hindi ko makuha ang aking gusto?
Gabi-gabing pinagdarasal ko
Sanay matapos na ang kalokohang ito
Ngunit paggising sa umaga ay uulit na naman ako
Solusiyon nga ba ang ako ay tuluyan ng lumayo?
Saan huhugot ng lakas ng loob upang gawin ito?
Diyos ko! Pakiusap ako ay tulungan mo